Rasa teu bisa dibeberah sangkan tibra

Pikir ngait dina kamalir peuting

Sawangan nyangsan dina mega kamelang

Tibelat ku teuteup saliwat

Ngahuyungkung ku imut salangkung

Geulis anjeun aya dimana…?

Jamparing asih na beut hese leungit

Kamelang salawasna nyangsang

Rasa sono terus ngadodoho

Jeuntreng kacapi jeuritna ati

Haleuang tembang gambaran rasa

Kaasih ngait ngan kasalira

Kania

Angin peuting ngirim kaasih

Caang bulan mawa kamelang

Kadeudeuh pageuh meungkeut geugeugeut

Tingtrim batin moal rek lengit

Lengkah kuring lengkah ajeun

Asih kuring asih anjeun

Rasa kuring rasa anjeun

Jagala ngan ukur ajeun.

Kania

Najan anjeun duka dimana

Tapi rasa, teuteup jeung imut

Marengan lengkah tiap mangsa

Nutur – nutur ungal waktu

Mugi nyaah teu pasalia

Mugi asih teu pahili

Najan duriat can laksana

Tapi karasa jeung sarasa

Ah kania

Kuring sono kadiri anjeun.

Ngan anjeun anu ngarasa

Ngan anjeun anu rumasa

Mentangkeun gondewa asmara,

Wilujeng wengi panutan

Wengi enjing tepang deui.